ЯҢАЛЫКЛАР

25 ноябрь көнне Казан шәһәре Башкарма комитетының актлар залында Казан үзәк студентлар хезмәт отряды тарафыннан өченче эш семестры нәтиҗәләре бунча конференция уздырылды. 

11-13 ноябрь көннәрендә Новосибирск шәһәрендә 57 эш семестры тәмамлану уңаеннан Бөтенроссия студентлар отряды слеты булып узды.

Кичә, 8 ноябрь көнне Казан дәүләт университетының кече конференция залында КДУ ректоры, ректорлар советы рәисе Ильшат Гафуров университетта эшләп килүче студентлар отряды  штабы активистлары белән очрашты. 

Татарстан студентлар хезмәт отрядлары делегациясе 57 нче эш семестры тәмамлану уңаеннан оештырылган Бөтенроссия студентлар отряды слетына китте. Слет 11-13   ноябрь көннәрендә Новосибирск шәһәрендә узачак, Россия Федерациясенең һәм СНГ илләренең 75 субъектыннан барлыгы 2000 артык кеше катнашуы көтелә. 

26 октябрь көнне Казан дәүләт энергетика университеның актлар залында “Тесла” студентлар отряды штабының иҗат фестивале узды. Чарада отряд кысаларында тәҗрибә туплаган студентлар, киләсе елга эшләргә теләк белдерүче кандидатлар, башка уку йортлары каршында эшләп килүче штаб вәкилләре катнашты.

Татарстан студентлар хезмәт отрядлары вәкилләре Саранск шәһәрендә уздырылган слетта булып кайтты. Биредә Идел буе федераль округы отрядлары җыелды.

16 октябрь көнне “Импульс” һәм “Дельта” педагогик отрядлары Казан шәһәрендә урнашкан Роналд Макдоналд йортында булып кайттылар. Әлеге хәйрия кунакханәсендә Республика балалар клиник хастаханәсенең онкология бүлегендә озак вакыт дәваланучы балалар әти-әниләре белән бергә яши.

Укытучылар  һәм әйдаманнар көненә багышлап  10 октябрь көнне Казан инновацион университетының актлар залында әйдаманнар арасында җыр фестивале үтте.  

6 октябрь  көнне Татарстан Республикасы Яшьләр эшләре һәм спорт министрлыгында Студенталр хезмәт отрядларының Республика штабы утырышы булып узды.

1 октябрь Халыкара өлкәннәр көне уңаеннан студентлар хезмәт отрядлары активистлары Яшел Үзән шәһәрендә урнашкан карталар һәм инвалидлар йортында кунакта булды.